Ja cilat janë të përbashkëtat dhe diferencat midis Xiaomi Watch S1 dhe Watch S1 Active
Xiaomi prezantoi 2 smartwatches të reja të quajtura Xiaomi Watch S1 dhe Xiaomi Watch S1 Active.
Duhet të kujtojmë që të 2 orat smart përdorin një sistem operativ jo të mbingarkuar, të cilët nuk kanë nevojë për shumë energji. Kjo është arsyeja kryesore e jetëgjatësisë së baterisë së tyre.
Ato përdorin një ekran të rrumbullakët 1.43” AMOLED, me rezistencë ndaj ujit deri në 5ATM. Orat kanë të përfshirë gjithashtu dhe një mikrofon dhe speaker të përfshirë, për të mundësuar kryerjen e telefonatave direkt nga ora.
Mirëpo cilat janë shërbimet që i diferencojnë këto ora?
Ndryshimi kryesor që vihet re qëndron në dizajnin e pajisjeve. Xiaomi Watch S1 është “krijuar për profesionistët modern” sipas kompanisë, pasi përdor materiale si çelik, xham safari dhe rripa lëkure. Nga ana tjetër, Xiaomi Watch S1 Active është krijuar për personat me një stil jetese më aktiv. Ai ka një dizajn të lehtë, trup të forcuar me fibër karboni dhe rripa silikoni.
Të dyja orat kanë të përfshirë një sensor PPG i cili bën të mundur monitorimin e oksigjenimit dhe rrahjeve të zemrës për 24 orë. Në to gjendet dhe suporti për ndjekjen e gjumit, zbulimin e stresit dhe ushtrimeve për të përmirësuar frymëmarrjen.
Orat Xiaomi vijnë me 117 modalitetet Sport, duke përfshirë këtu 19 që janë profesionale, me shërbimin auto-detect për aktivitete si ecjet apo vrapimet. Bateria në këto pajisje është e njejtë, 470mAh, dhe mund të zgjasë 12 ditë me përdorim normal ose 24 ditë në power saving mode.
Watch S1 përfiton nga karikimi wireless ndërkohë që Watch S1 Active ka një karikues magnetik.
Burimi: Geek Room
