Siç treguam në artikujt e mëparshëm, Poco ka prezantuar dy smartphone të rinj gjatë eventit MWC 2022: X4 Pro 5G dhe M4 Pro.
Poco X4 Pro do të ofrojë një ekran FHD+ 6.67 inç me refresh rate 120Hz dhe do të fuqizohet nga proçesori Snapdragon 695 5G. Pajisja do të ketë 6GB RAM dhe 128GB internal storage, ndërkohë që bateria e X4 Pro do të ketë kapacitet 5,000mAh dhe do të karikohet nga karikuesja e shpejtë 67W.
Poco po shpreson se arma kryesore për të joshur klientët e rinj do të jetë kamera 108MP që gjendet në pjesën e pasme të kësaj pajisje. Ajo do të shoqërohet dhe nga kamerat Ultrawide 8MP dhe ajo macro 2MP. Kamera selfie do të vijë në formën punch hole në ekran dhe do të ketë rezolucion 16MP.
Nëse ju po kërkoni për një pajisje që ka një çmim akoma më të përballueshëm atëherë Poco ju ofron një version jo 5G të M4 Pro. Ai do të vijë me një ekran AMOLED FHD 6.43 inç me refresh rate 90Hz, bateri me kapacitet 5,000mAh dhe suport për karikimin e shpejtë 33W. Proçesori i përdorur në këtë pajisje do të jetë MediaTek Helio G96, që shoqërohet nga 6GB RAM dhe 128GB internal storage.
Nuk dihet se kur kjo pajisje do të vijë në Evropë apo SHBA, por një listim në Amazon France sugjeron se çmimi i versionit bazë të X4 Pro do të jetë €350.
Burimi: Geek Room
