Smartphone-i më i ri nga Redmi mund të karikohet plotësisht në vetëm 9 minuta
Përgjatë viteve të fundit kemi parë se shpejtësitë e karikimit të smartphone-ve janë rritur shumë, duke zbritur deri në 15 minuta për një karikim të plotë. Gjithsesi kjo kohë duket shumë e ngadaltë për Xiaomi.
Në linjën e re Redmi Note 12 që u prezantua ditën e sotshme, një model me emrin Redmi Note 12 Discovery Edition ra më shumë në sy pasi përfshinte teknologjinë e karikimit super të shpejtë 210W Hypercharge. Ky shërbim kontrollohet nga 3 proçesorë 100W fast charging, duke e karikuar baterinë 4,300mAh të smartphone-it në vetëm 9 MINUTA.
Thjesht për krahasim, teknologjitë 120W Hypercharge të Xiaomi dhe 150W SuperVOOC e Oppo kërkonin 15 minuta për të karikuar një bateri 4,500mAh.
Në Redmi Note 12 Discovery Edition debuton gjithashtu proçesori midrange i MediaTek, Dimensity 1080. Smartphone-i vjen me një ekran 6,67 inç OLED, kamera kryesore 200MP (sensori më i ri HPX i Samsung), kamera ultra-ëide 8MP, makro 2MP dhe kamera selfie 16MP. Ju do të keni mundësinë të përdorni 2 karta SIM njëkohësisht, portë 3.5mm për kufje, sensor të shenjës së gishtave dhe IR Blaster në këtë pajisje.
Do të ketë vetëm një model për sa i përket RAM dhe internal storage: 8/256GB. Kjo është një paketë mjaft e mirë në një çmim prej $330.
Burimi: Geek Room
