Vlera e aksioneve të Xiaomi rritet me 5% pas lajmeve se kompania do të prodhojë makinën e parë elektrike në 2024

Prodhuesi kinez i smartphoneve, Xiaomi, po planifikon nisjen e prodhimit në masë të makinës së tyre të parë elektrike në gjysmën e parë të 2024. Kjo gjë u bë e ditur nga CEO Lei Jun në një deklaratë gjatë ditës së investitorëve në kompani dhe më pas u konfirmua dhe në Weibo.

Muajin e kaluar Xiaomi regjistroi zyrtarisht degën e tyre më të re të biznesit Xiaomi EV Inc. Planet për krijimin e një makine elektrike u prezantuan për herë të parë në muajin mars, ku kompania tha se do të investonte $10 miliardë në 10 vitet e ardhshme. Xiaomi EV ka tashmë 300 punonjës të regjistruar, dhe Lei drejton këtë grup.

Tregu i makinave elektrike në Kinë po shtohet gjithnjë e më shumë me makina të reja. Baidu gjithashtu ka lançuar një kompani për prodhimin e makinave elektrike në janar.

Dhe pse Xiaomi është një kompani e njohur në vendet aziatke, asaj do t’i duhet të luftojë më rivalë shumë të fortë si Nio dhe Xpeng, pa lënë mënjanë këtu dhe Tesla-n.

Gjatë viteve të fundit industria e makinave elektrike ka pasur mbështetjene e fortë të qeverisë vendase, gjë që ka ndihmuar në rritjen e saj. Kompania Canalys parashikon se 1.9 milionë makina elektrike do të shiten në Kinë në vitin 2021, një rritje me 51% krahasuar me një vit më parë.

Burimi: Geek Room