Ne kemi parë disa specifika të bëra leak mbi serinë e ardhshme të smartphone-ve 12T të Xiaomi, dhe tashmë kompania ka konfirmuar se lançimi është shumë pranë, specifikisht në ditën e martë në 4 tetor.
Posteri i eventit të lançimit detajon se ky event do të zhvillohet në orën 10:00 ditën e martë, dhe do të transmetohet drejtpërdrejt në Facebook, YouTube dhe në faqjen zyrtare të Xiaomi në Twitter.
Posteri i eventit mban titullin “Make moments mega”, gjë që me shumë mundësi i referohet sensorit gjigand 200MP (ISOCELL HP1 i Samsung) që do të përdoret në kamerat e smartphone-ve. Ky sensor është përdorur gjithashtu në smartphone-in Moto X30 Pro/Edge 30 Ultra.
Të tjerë produkte që pritet të prezantohen gjatë këtij eventi janë tableti Redmi Pad dhe një palë kufje të reja wireless Redmi TWS. Ky është i gjithë informacioni që kemi deri më tani, mirëpo ne besojmë se më tepër detaje do të qarkullojnë në internet vetëm disa ditë para organizimit të eventit.
Burimi: Geek Room
