Xiaomi organizoi një event madhor ditën e sotme. Lei Jun, CEO dhe bashkëthemeluesi i kompanisë hapi skenën me prezantimin e MIUI 13 e cila vjen me përmirësime në privatësi dhe siguri.
Ky version i ri do të lejojë pajisje të ndryshme Xiaomi të ndërlidhen në një rrjet si kurrë më parë, duke përfshirë këtu smartphone-t tabletët, TV, smart wearables dhe asistentin XiaoAI. Privatësia është një shqetësim kryesor për përdoruesit e smartphone-ve, kështu që Xiaomi ka vendosur të implementojë një proçes verifikimi me 3 hapa. Hapi i parë është njohja e fytyrës, e ndjekur nga një watermark që lexon ID e përdoruesit dhe nga i ashtuquajturi “Electronic Fraud Protection”.
Në Electronic Fraud Protection gjendet një listë me website dhe pajisje të cilat mund të sjellin malware në pajisje. Gjithashtu në të gjendet dhe një listë me numra të raportuar, dhe përdoruesi i smartphone-ve do të informohet para se të pranojë telefonatën.
Pjesë e këtij update-i është dhe një font i ri për MIUI 13, i quajtur means. Ai mund të shkarkohet falas. Bashkë me font-in e ri vijnë dhe wallpapers të reja, të cilat do të ndriçojnë ekranin tuaj.
Pyetja kryesore është se kur MIUI 13 do të jetë e aksesueshme, dhe përgjigja është “shumë shpejt”. Pritet që update të vijë në seritë Xiaomi 12 dhe Mi 11 në janar të 2022.
Burimi: Geek Room
