Seria Redmi Note është e njohur për ofrimin e shërbimeve të shumëta me çmimin më të mirë në treg, prandaj ato janë mjaft popullore. Tashmë kompania ka vendosur që vetëm 6 muaj pas prezantimit të serisë Redmi Note 10, të prezantojnë një tjetër seri të re të quajtur Redmi Note 11.
Redmi Note 11
Redmi Note 11 është pajisja entry level e kësaj serie, e cila vjen me disa specifika jo aq high end sa pajisjet e tjera të prezantuara. Në ekranin 6.6” është implementuar teknologjia LCD me refresh rate 90Hz. Proçesori që do të fuqizojë këtë pajisje do të jetë MediaTek Dimensity 810 dhe do të shoqërohet me 8GB RAM dhe 256GB internal storage.
Kamera selfie ka një rezolucion 16MP, ndërkohë që në pjesën e pasme gjenden 2 kamera të tjera, një kryesore 50MP dhe një ultrawide 8MP. Kapaciteti i baterisë së Note 11 do të jetë 5,000mAh dhe do të suportojë karikimin 33W.
Redmi Note 11 Pro dhe Note 11 Pro+
Këto dy smartphone kanë shumë pak diferenca mes tyre. Ato ofrojnë një ekran AMOLED 6.67” nga Samsung me refresh rate 120Hz. Kësaj here bezels dhe madhësia e hole punch janë zvogëluar.
Në pjesën e pasme të këtyre smartphone-ve mund të duket kamera kryesore 108MP, që shoqërohet nga ajo ultrawide 8MP dhe një depth sensor 2MP.
Ndryshimi kryesor qëndron në sektorin e baterisë, ku Note 11 Pro+ vjen me një kapacitet më të vogël prej 4,500mAh dhe me karikimin e shpejtë 120W, ndërkohë që Note 11 Pro ka bateri me kapacitet 5160mAh që karikohet me 67W. Koha që nevojitet për të karikuar Note 11 Pro+ nga 0-100% është vetëm 15 minuta.
Burimi: Geek Room
