Xiaomi pritet të lançojë modelet 12, 12X dhe 12 Pro në datën 28 dhjetor

Leaker-i Digital Chat Station ka zbuluar se Xiaomi po planifikon prezantimin e 3 smartphone-ve të serisë 12, Xiaomi 12, 12X dhe 12 Pro në datën 28 dhjetor. Deri më tani kompania nuk ka zbuluar shumë detaje rreth këtyre smartphone-ve, vetëm kanë pohuar se ato do të vijnë me proçesorin më të ri nga Qualcomm, Snapdragon 8 Gen 1.

Xiaomi 12 besohej se nuk do të fuqizohej nga ky proçesor, megjithatë lajmi u bë zyrtar nga vetë kompania përmes një postimi në Twitter ku tregonin se ai do të ishte smartphone-i i parë që do të pajisjej me Snapdragon 8 Gen 1.

Digital Chat Station tregoi në website-in Weibo se Xiaomi do të organizojë një event në fund të këtij muaji, pasi e kishte parë këtë datë në një screenshot të një dokumenti të brendshëm.

Raportimet e personave të ndryshëm tregojnë se Xiaomi 12 do të vijë me një kamera kryesore 50MP, bashkë me një lente ultrawide, periscope dhe telephoto. Gjithashtu ekrani do të jetë Full HD, do të suportohet karikimi super i shpejtë 100W, dhe risia do të jetë kamera selfie nën ekran.

Bashkë me prezantimin e këtyre smartphone-ve, Xiaomi me shumë mundësi do të prezantojë dhe versionin e ri të sistemit operativ MIUI, i cili bazohet në Android 12.

Burimi: Geek Room