XIAOMI renditet në vendin e 338-të në “GLOBAL FORTUN 500”, duke u bërë kompania me rritjen më të shpejtë në kategorinë e internetit dhe shitjes me pakicë për vitin 2021
Pajisjet premium, ndërkombëtarizimi dhe shitjet e reja me pakicë nxisin rritjen; Xiaomi u përfshi në listë për të tretin vit radhazi
2 gusht 2021 Pekin, Kinë, – Sot, Xiaomi është përfshirë në listën e “Fortune Global 500” për të tretin vit radhazi, duke u renditur në vendin e 338-të për vitin 2021, me një përparim të konsiderueshëm prej 84 vendesh krahasuar me renditjen e tij në vitin 2020, ku renditej i 422-ti. Kjo renditje e bën Xiaomin kompaninë me rritjen më të shpejtë në kategorinë e internetit dhe shitjes me pakicë në renditjen e “Fortune Global 500”.
“Duke marr parasysh arritjet tona të kaluara, unë jam më i fokusuar në potencialin tonë për tu rritur akoma më shumë. Xiaomi është ende një kompani shumë e re por ambicioze dhe plot motivim. Dua të falenderoj sinqerisht blerësit tanë besnik në të gjithë botën pasi mbështetja juaj e palëkundur ka ndihmuar që Xiaomi të jetë kaq i gjallë dhe energjik. Unë mendoj se ky nuk është limiti i Xiaomit dhe kam besim se njerëzit do të shohin një Xiaomi edhe më të fortë e më të fuqishëm në të ardhmen. Vitin që vjen ne do të arrijmë një rekord shumë më të bujshëm në listën e “Fortune Global 500”, – tha Lei Jun, themeluesi, kryetari dhe CEO-ja i Xiaomit.
Sipas raportit të të ardhurave të Xiaomit, të ardhurat totale të kësaj kompanie arritën në 245.9 miliardë dollarë në vitin 2020, duke e çuar Xiaomin në vendin e 338 -të në listën e vitit 2021 të “Fortune Global 500”. Në vitin 2021, Xiaomi mbetet një shembull i fortë i rritjes së shpejtë, duke treguar një rritje marramendëse për sa i përket të ardhurave dhe fitimi neto, i cili ka tejkaluar pritjet e tregut. Në tremujorin e parë të vitit 2021, të ardhurat totale të Xiaomit për këtë periudhë arritën në 76.9 miliardë RMB, që përfaqësojnë një rritje prej 54.7% nga viti në vit, ndërsa fitimi neto arriti në 6.1 miliardë RMB, një rritje prej 163.8 % nga viti i kaluar.
Kjo rritje i atribuohet bazës gjithnjë në zgjerim të Xiaomit në tregun e telefonave inteligjentë të nivelit të lartë, rritjes së shpejtë në tregjet ndërkombëtare dhe zhvillimit të biznesit të ri të shitjes me pakicë të kompanisë.
Fokusi i Xiaomi në teknologjitë kryesore ka qenë forca shtytëse në krijimin e një përvoje të kënaqshme të përdoruesve dhe ka forcuar pozicionin e tij në segmentet e tregut të nivelit të lartë përmes serive të tij Mi 10 dhe Mi 11. Në tremujorin e parë të vitit 2021, dërgesat globale të telefonave inteligjentë Xiaomi me çmim 3,000 RMB ose më lart në Kinën kontinentale dhe me çmim 300 Euro e lart në tregjet ndërkombëtare, tejkalojnë 4 milionë.
Zgjerimi global i Xiaomit gjithashtu nxiti rritjen e tij të përgjithshme. Më 16 korrik, Xiaomi njoftoi se sipas “Canalys”, kompania zuri vendin e dytë në rang global me 17 për qind të shitjeve të smartphon-ëve, duke tejkaluar Apple. Në tregjet ndërkombëtare, Xiaomi tejkaloi 300 për qind rritjen vjetore në tregun e Amerikës Latine, mbi 150 për qind rritje në Afrikë dhe më shumë se 50 për qind rritje në Europën Perëndimore. Telefonat inteligjentë Xiaomi kanë hyrë në mbi 100 tregje në të gjithë botën, duke u renditur të parët në botë në shpërndarjen e tregut të telefonave inteligjentë dhe të dytët në Europë me të paktën 12 tregje. Xiaomi është renditur numri një në Indi për 15 tremujorë rresht.
Sa i përket shitjes me pakicë, dyqanet fizike të Xiaomit kanë përjetuar zgjerim të shpejtë që nga viti 2020. Numri i përgjithshëm i dyqaneve Xiaomi në Kinën kontinentale tejkaloi 5.500 në fund të prillit të vitit 2021 dhe më shumë se 1.000 në tregjet ndërkombëtare. Rrjeti fizik i shitjes me pakicë i Xiaomit po zgjerohet me shpejtësi në të gjithë globin.
Ndërsa drejton industrinë e smartphone-ve, AIoT dhe prodhimit të zgjuar, Xiaomi gjithashtu ka hyrë në tregun e automjeteve elektrike. Në Mars 2021, Xiaomi njoftoi zyrtarisht se kompania do të krijojë një degë në pronësi të plotë të udhëhequr nga CEO-ja Lei Jun për të operuar biznesin e automjeteve elektrike, me një investim që mendohet të jetë 10 miliardë dollarë për 10 vitet e ardhshme. Faza fillestare e investimit do të jetë 10 miliardë RMB. Automjetet elektrike do të jenë edhe një nxitës i rëndësishëm i rritjes së re të kësaj kompanie.
